خطوات مهمة لميكب زفاف مثالي

عشان تعرفي الخطوات المهمة لميكب زفاف مثالي لازم تعرفي ان ميكب الزفاف أهم جزء بالنسبه لأي عروسة، عشان كده لو هتعملي ميكب الزفاف لنفسك، أو هتختارى ميكب أرتست عرايس محترفه يبقي فى حاجات لازم تاخدى بالك منها، حابه تعرفيها؟ تابعينا

1- من الخطوات المهمة لميكب زفاف مثالي هي عدم المبالغه فى وضع الميكب:
عارفين انه يوم مهم جدا ليكي, ونفسك تظهرى بأفضل لووك عندك، لكن الميكب البسيط والهادى هيخليكى طبيعيه أكتر، عشان كده ماتبالغيش فى وضع المكياج وخليه مكياج ناعم وهادى.

2- مهم جدا تعملي بروڤه للميكب قبل الزفاف:
وده عشان تختبرى أكتر من لووك عليكى، وتعرفي الأنسب ليكى. فيفضل تتفقى مع الميكب أرتست بتاعتك على بروڤه للميكب قبل المعاد المحدد

وده هيخليكى واثقه أكتر فى اللوك بتاعك, وكمان هتقدرى تتجنبي أى مشاكل ممكن تحصل فى الميكب بتاعك.

3- اتكلمى مع الميكب ارتست بتاعتك:
مهم جدا تتكلمى مع الميكب ارتست بتاعتك وتفهميها رؤيتك فى ميكب الزفاف بتاعك، عشان بعدها تقدر هى تضيف لمساتها الفنيه

اللى فى النهاية هيوصلك للوك اللى انتى عايزاه والمناسب ليكى, ده غير ان كلامك معاها هيطمنك أكتر, وهيخليكي واثقه في اللوك اللي هتوصليله.

4-اهتمي بالعنايه ببشرتك:
مش عشان هتحطى ميكب تهملى العنايه بالبشرة، إتباعك لروتين عنايه نهاري وليلي لبشرتك لمده 3شهورعلى الأقل قبل يوم الزفاف
ده هيساعدك تظهرى بلووك صحي أكتر, وكمان هيساعد الميكب إنه يفضل ثابت لمده أطول على بشرتك ده غير ان وشك هيبان نضر, ومشرق أكترمش بهتان ومجهد.

5- اختاري الميكب ارتست بعناية:
ماتختريش الميكب ارتست بتاعتك على أساس الميزانية, مهم جدا تشوفي صفحتها على الفيس بوك، وكمان تشوفي الريفيوهات بتاعتها
عشان تتأكدي إن أسلوبها مناسب لأسلوبك الشخصي وتتأكدي انها أفضل ميكب ارتست بالنسبالك.

وعشان تعرفي أشهر الميكب ارتست في منطقتك تقدري تدخلي على موقع ميكب ايجيبت اللي بيضم أكبر 
عدد من الميكب ارتست في جميع محافظات مصر.

خطوات مهمه لتحضير البشرة الدهنية قبل وضع الميكب

أصحاب البشرة الدهنية بيعانو كتير أثناء وضع الميكب، ودة بسبب الإفراز الزايد لزيوت البشرة الطبيعية واللي بتأثر على ثبات الميكب بتاعك ولمعانه.
لكن فى حالة تحضير البشرة الدهنية  قبل وضع الميكب، فده بيضمنلك ميكب ثابت وجذاب أكتر. عشان كدة هنقدملك أهم الخطوات لتحضير البشرة الدهنية قبل وضع الميكب.

فى البداية

 لازم تكوني متأكدة من نوع بشرتك، لان تطبيقك لأى روتين تحضيري للبشرة الخطأ هيعرض بشرتك لمشاكل كتير.

طب ازاى أعرف اني من اصحاب البشرة الدهنية؟؟؟

إختبار بسيط جدا هتقدري من خلاله تعرفي اذا بشرتك فعلا دهنية او لأ :

* قبل النوم اغسلي وشك بمنظف ونشفيه كويس، وماتحطيش بعدها أى كريم.
* بمجرد ماتصحي من نومك، هاتي مجموعة من الورق الشفاف وحطيه على منطقة الجبهة، الخدين، عظام الفك،
الدقن.

_ لو لقيتي كل الورق الشفاف فيه كميه كبيرة من الزيوت فبشرتك هتكون “دهنية”،
لكن لو لقيتي بعض الأوراق عليها كمية كبيرة من الزيوت والبعض الآخر كمية أقل فكده هتكون “بشرتك مختلطه“.

_ ولو لقيتي على كل الأوراق كميات معتدلة ومتساوية من الزيوت بكده هتكون “بشرتك عادية“،
أما لو لقيتى مفيش تقريبا أى زيوت على الاوراق بكده هتكون “بشرتك جافه“.

طيب ازاي أقدر أحضر بشرتي الدهنية قبل الميكب؟؟

بعد مااتأكدتي ان نوع بشرتك دهني، هنقولك على روتين بسيط جدا، لو استخدمتيه يوميا هتحسي بفرق كبير ف بشرتك وكمان هيريحك أثناء وضع الميكب بتاعك:

استخدمى منظف أو غسول مناسب لبشرتك:
المنتجات اللى بتحتوى على حمض الساليسليك مناسبة جدا لأصحاب البشرة الدهنية، لانه بيساعد على تقشير البشرة أثناء التنظيف بدون مايسبب جفاف للبشرة.

ترطيب البشرة :
استخدمي كريم مرطب خالي من الزيوت عشان يناسب طبيعة بشرتك.

استخدمى ماء الورد :
ماء الورد بيقلل من لمعان البشرة وكمان بيدي نضارة وحيوية أكتر لبشرتك، رشيه على البشرة واتركيه يجف بشكل طبيعي قبل الميكب.

استخدمى البرايمر:
البرايمر من المنتجات المهمة جدا لأصحاب البشرة الدهنية، وده لأنه بيسيطر على إفراز البشرة للزيوت، وكمان بيكون قاعدة ثابتة للميكب بتاعك عشان تحافظي على ثباته لمدة أطول.

لو عايزه تعرفي أكتر عن أسرار البشرة والطرق الصحيحة للتعامل معاها تقدري تتابعينا على موقع ميكب ايجيبت اللي بيضم معلومات وتوصيات من أكبر عدد من الميكب ارتست في جميع محافظات مصر.

6 حاجات لازم تكون موجودة فى كورسات الميكب ارتست 2021

كورسات تعليم الميكب ارتست هي أول حاجة هتعمليها لو إنتي من عشاق الميكب ونفسك تكوني ميكب ارتست محترفة.

لكن فى الحقيقه معظم الأماكن اللي بتقدم الكورسات دي بتكون غير مرخصة وكمان غير مؤهلين. عشان كده إختيارك ل كورسات الميكب ارتست الصحيحة هى أساس تعليمك وتطويرك فى المجال ده.

ودلوقتى هنقدملك 6 حاجات لازم تتأكدى من وجودهم فى كورس الميكب ارتست اللي هتاخديه من قبل ماتبدأي وده عشان تضمني بداية صحيحة لرحلتك فى عالم الميكب.

أساسيات الميكب ارتست

أول حاجه لازم تتعلميها فى كورسات الميكب ارتست هى أساسيات الميكب، لانه زي حاجات كتير فى حياتنا ليه أساسيات لازم نتعلمها صح عشان نقدر نتطور فيه بشكل سليم.

لازم تتعلمي ازاي تفرقي بين أنواع منتجات الميكب المختلفة؟ وإيه هو استخدام كل نوع فيهم؟
وازاي تقدري تخلطي مابين الأنواع دي عشان توصلي لأكبر استفادة؟
كل دي اساسيات لازم تتأكدي انك هتتعلميها في أول سيشن فى كورس الميكب ارتست.


أدوات الميكب وطرق وضعها

 بعد ماتخلصي أساسيات الميكب من المهم انك تعرفي أدوات الميكب واستخداماتها، كمان الطرق المختلفه لوضع الميكب المناسب.
وازاي تفرقي بين استخدام الفرشة والاسفنجة، والمكان المخصص لكل واحده فيهم. كمان لازم تتأكدي انك هتقدرى تمارسي الحاجات دي فى مكان الكورس مش بس هتتعلمي نظري.

ودي حاجه مهمه جدا لأنها هتزود ثقتك فى إستخدام أدوات الميكب المختلفه.

الإهتمام الشخصي

لما تختاري مكان كورس الميكب ارتست ماتختاريش مكان شعبي ومليان متدربين، لأن مكان زي ده مش هيكون فيه الإهتمام الشخصي اللي هيساعدك تعرفي تعليقات المدرب على شغلك او إنتباهه لتفاصيل وضعك للميكب.

تعليم تصفيف الشعر

معظم كورسات الميكب ارتست مابتهتمش بتعليم المتدربين تصفيف الشعر على الرغم من أهميته في إظهار اللوك الكامل للعروسة.
معظم العرايس بيفضلو الميكب ارتست الشاملة وده لانهم مابيرهقوش نفسهم فى حجز مصفف شعر غير فنان الميكب والتنسيق ما بينهم.
عشان كده إتقانك لتصفيف الشعر بجانب الميكب هيخلي ليكي الأولوية فى إختيار العملاء وكمان هيزود فرص العمل بالنسبالك كميكب ارتست فى السوق.

احرصي دايما ان المكان اللي هتاخدي فيه كورس الميكب ارتست يكون كمان بيقدم دورات تصفيف الشعر.

التفاعل بينك وبين المدرب

التفاعل بين المتدرب والمعلم من أهم المهارات اللي لازم تكون موجودة فى كورس الميكب ارتست وده لانه بيمكنك من طرح الاسئلة والشكوك وبالتالي هيسهلك مهارة وضع الميكب.

الشهادة

قبل ماتاخدي كورس الميكب ارتست لازم تتاكدي إنه مكان معتمد وكمان هيديكي شهادة تثبت حصولك على الكورس. وده هيساعدك كتير في حياتك المهنية وكمان هتزود الثقه بينك وبين عملائك.

وعشان تعرفي مستوى الميكب ارتست اللي في منطقتك وتقيمي نفسك صح, تقدري تدخلي على موقع ميكب ايجيبت اللي بيضم أكبر عدد من الميكب ارتست في جميع محافظات مصر.

5 منتجات ميكب لازم تكون موجوده فى شنطة إيدك

أهم منتجات الميكب اللي هتحتاجيها في شنطتك

 شنطة اليد من الحاجات المهمة جدا فى حياتك واللي ماينفعش تستغني عنها فى أى خروجه، عشان بيكون فيها كل الحاجات اللي ممكن تحتاجيها خلال يومك.

لكن طبعا ماتقدريش تاخدي كل الميكب بتاعك فيها. عشان كده لواحتاجتي تغيري اللوك بتاعك
وانتي برة البيت أو حتى تعدلي الميكب بتاعك هقولك على منتجات ميكب لازم تكون موجودة فى شنطه إيدك.


 الكونسيلر
الكونسيلر من المنتجات المهمة جدا، لأنه هيساعدك في إخفاء عيوب البشرة واللي ممكن تظهر خلال يومك بسبب الارهاق والعرق.

عشان كده مهم انك تختاري لون قريب من لون بشرتك عشان تبقي طبيعية أكترويدي لبشرتك لمعان وبريق. كمان ممكن تستخدميه في رفع العين وتحديد الحاجب والأنف.

 الروچ
من الحاجات اللي ماينفعش تستغني عنها، اختاري درجة من الروچ الاحمرالمناسب للون بشرتك وخليها دايما في شنطة ايدك، هيديكي لمعان وحيويه اكتر، كمان تقدري تستخدميه على الخدود .

 الماسكارا
اختاري نوع يطول رموشك ويحددها فى نفس الوقت، لو احتاجتي تروحي مشوار مهم فى آخر يومك وعايزة تظبطي مكياجك فأكيد الماسكارا من منتجات الميكب اللى هتديكي حيويه وثقه أكتر لمظهرك.

 مناديل المكياج
مهم جدا تختاري مناديل خالية من الكحول عشان ماتضرش بشرتك، فى حالة احتاجتي تظبطي الروچ بتاعك أو تعدلي الكحل والأيشادو فمناديل المكياج من منتجات الميكب المهمه جدا ليكى.

مرطب الشفاه
نتيجه إرهاق الشغل أو ارتفاع درجة حرارة الجو أكيد بتعاني من جفاف البشرة وخصوصا الشفاه، فمرطب الشفاه من منتجات الميكب اللي بتساعدك ترجعي حيوية بشرتك من تاني، كمان ممكن تستخدميه فى تظبيط ولمعان الحواجب.

اقرئي ايضا:
خطوات مهمة لميكب زفاف مثالي
خطوات مهمة لتحضير البشرة الدهنية قبل وضع الميكب