04 Aug
6 حاجات لازم تكون موجوده فى كورسات الميكب ارتست2020
6 حاجات لازم تكون موجوده فى كورسات الميكب ارتست2020
لو إنتى من عشاق الميكب ونفسك تكونى ميكب ارتست محترفه، فأكيد أول حاجه هتعمليها هى إنك تاخدى كورسات فى تعليم الميكب….. لكن فى الحقيقه معظم الأماكن اللى بتقدم الكورسات دى بتكون غير مرخصة وكمان غير مؤهلين. عشان كده إختيارك لكورسات الميكب ارتست الصحيحة هى أساس تعليمك وتطويرك فى المجال ده. ودلوقتى هنقدملك 6 حاجات لازم تتأكدى من وجودهم فى كورس الميكب ارتست اللى هتاخديه من قبل ماتبدأى وده عشان تضمنى بدايه صحيحة لرحلتك فى عالم الميكب.
1/ أساسيات الميكب أول حاجه لازم تتعلميها فى كورسات الميكب ارتست هى أساسيات الميكب، لانه زى حاجات كتير فى حياتنا ليه أساسيات لازم نتعلمها صح عشان نقدر نتطور فيه بشكل سليم. لازم تتعلمى ازاى تفرقى بين أنواع منتجات الميكب المختلفة؟ وإيه هو استخدام كل نوع فيهم؟ وازاى تقدرى تخلطى مابين الأنواع دى عشان توصلى لأكبر استفادة؟ كل دى اساسيات لازم تتأكدى انك هتتعلميها فى أول سيشن فى كورس الميكب ارتست.
2/أدوات الميكب وطرق وضعها بعد ماتخلصى أساسيات الميكب من المهم انك تعرفي أدوات وضع الميكب واستخداماتها، كمان الطرق المختلفه لوضع الميكب المناسب. وازاى تفرقي بين استخدام الفرشة والاسفنجة، والمكان المخصص لكل واحده فيهم. كمان لازم تتأكدى انك هتقدرى تمارسي الحاجات دى فى مكان الكورس مش بس هتتعلمى نظرى، ودى حاجه مهمه جدا لأنها هتزود ثقتك فى إستخدام أدوات الميكب المختلفه.
3/الإهتمام الشخصي لما تختارى مكان كورس الميكب ارتست ماتختاريش مكان شعبى ومليان متدربين، لأن مكان زى ده مش هيكون فيه الإهتمام الشخصي اللى هيساعدك تعرفى تعليقات المدرب على شغلك او إنتباهه لتفاصيل وضعك للميكب.
4/تعليم تصفيف الشعر معظم كورسات الميكب ارتست مابتهتمش بتعليم المتدربين تصفيف الشعر على الرغم من أهميته فى إظهار اللوك الكامل للعروسه. معظم العرايس بيفضلو الميكب ارتست الشامله وده لانهم مابيرهقوش نفسهم فى حجز مصفف شعر غير فنان الميكب والتنسيق ما بينهم، عشان كده إتقانك لتصفيف الشعر بجانب الميكب هيخلى ليكى الأولوية فى إختيار العملاء وكمان هيزود فرص العمل بالنسبالك كميكب ارتست فى السوق. احرصي دايما ان المكان اللى هتاخدى فيه كورس الميكب ارتست يكون كمان بيقدم دورات تصفيف الشعر.
5/التفاعل بينك وبين المدرب التفاعل بين المتدرب والمعلم من أهم المهارات اللى لازم تكون موجودة فى كورس الميكب ارتست وده لانه بيمكنك من طرح الاسئلة والشكوك وبالتالى هيسهلك مهارة وضع الميكب.
6/الشهادة قبل ماتاخدى كورس الميكب ارتست لازم تتاكدى إنه مكان معتمد وكمان هيديكى شهادة تثبت حصولك على الكورس.وده هيساعدك كتير فى حياتك المهنيه وكمان هتزود الثقه بينك وبين عملائك.
0 Comments